ತಾಯ್ನೆಲದ ಸದ್ಗುಣಗಳೇ ನನ್ನಲ್ಲಿ ಚಿಗುರಬನ್ನಿ ಆಂತರ್ಯದಾಳದಿಂದ ಉದ್ಗಮಿಸಿ ಜೀವ ತನ್ನಿ || ಪ || ಋಷಿ ದರ್ಶನವನು ಪಡೆದು ರಸಸ್ಪರ್ಶವನ್ನು ಕಡೆದು ಹೊಸ ಸೃಷ್ಟಿಗೊಪ್ಪುವಂತೆ ನನ್ನಲ್ಲಿ ಚಿಗುರ ಬನ್ನಿ || 1 || ಶ್ರೀರಾಮಕೃಷ್ಣರಿಂದ ಬಸವಣ್ಣ ಬುದ್ಧರಿಂದ ಇತಿಹಾಸದೊಳಗಿನಿಂದ ನನ್ನಲ್ಲಿ ಚಿಗುರ ಬನ್ನಿ || 2 || ಗುರುಭಕ್ತಿ ಎನಗೆ ಬರಲಿ ಸತ್ಯದೊಳು ಶ್ರದ್ಧೆಯಿರಲಿ ಸದ್ವಿಚಾರಗಳ ಸೆಲೆಯೇ ನನ್ನಲ್ಲಿ ಚಿಗುರ ಬನ್ನಿ || 3 || ನುಡಿತಪ್ಪದಂತೆ ನಡೆವ ಅಡಿ ತಪ್ಪದಂತೆ ಬೆಳೆವ ಸಿರಿವಂತ ಚಿಂತನೆಗಳೇ ನನ್ನಲ್ಲಿ […]
ಒಂದಾಗೋಣ | ಒಂದಾಗೋಣ ಹಿಂದುಬಂಧುಗಳು ಒಂದಾಗೋಣ ಮಧುಮಂತ್ರವ ಸಿರಿತಂತ್ರದ ಬಾಳಿಗೆ ಮುಂದಾಗೋಣ || ಪ || ಒಂದೇ ಭಾರತ ಒಂದೇ ಭೂಮಿ ಒಂದೇ ಸಂಸ್ಕೃತಿ ಒಂದೇ ಜನಾಂಗ ಹೊಮ್ಮಿಸಿ ಹಲಬಗೆ ಧರ್ಮಸಮನ್ವಯ ಒಮ್ಮತ ಬದುಕನು ಸವೆಸೋಣ || 1 || ಭೀತಿವಾದ ಹಿಮ್ಮೆಟ್ಟುವ ಕೆಲಸ ಜಾತಿಗೋಡೆಗಳ ಪುಡಿಗಟ್ಟುವ ರಭಸ ಬುದ್ಧಿಯ ಝಳಪಿಸಿ ಶ್ರದ್ಧೆಯ ಹೊಳಪಿಸಿ ಎದ್ದೇಳಲಿ ಹಿಂದುತ್ವದ ಪ್ರಾಣ || 2 || ಕಲಿಗಳ ಕೃತಿಶೂರರ ಸಂಘಟಿಸಿ ಬಲಿದಾನದ ಹೊಸಮಂತ್ರೋಚ್ಚರಿಸಿ ಸಾಮದಂಡಗಳ ಹೋಮಕುಂಡದಲಿ ಶಸ್ತ್ರವ ಶಾಸ್ತ್ರವ ಪಠಿಸೋಣ […]
ಇದೋ ಶ್ರದ್ಧಾಂಜಲಿ ರಾಷ್ಟ್ರಪುರುಷ – ಶತ – ಕೋಟಿ ಹೃದಯಗಳ ಸಮವರಳುತಿವೆ | ಈ ದಿನ ನಿಮ್ಮಯ ಪೂಜಾ ಕಾರ್ಯಕೆ ಸೇತು ಹಿಮಾಚಲ ಸಂಗಮಿಸುತಿವೆ || ಪ || ಮಾತೆಯ ಪದ ಪದ್ಮಾಂಚಲದಲಿ ನೀ ಅಮೂಲ್ಯಕಾಣಿಕೆ ಅರ್ಪಿಸಿದೆ | ಅಕ್ಷಯ ಚಿರ ಸತ್ಯವ ನುಡಿದೆ ಹಿಂದುತ್ವಕೆ ಅಮೃತವ ಉಣ್ಣಿಸಿದೆ | ತವ ಸಂಸ್ಕಾರವು ಸೃಜಿಸಿದ ತನುಮನ ಅಭೇದ್ಯ ಕೋಟೆಗಳೋ ಎನಿಸುತಿವೆ || 1 || ನಡೆದೇ ಸದಾ ಕಠೋರ ನಿಯಮದಿ ಲೋಕಪ್ರಸಿದ್ಧಿ ಪರಾಙ್ಮುಖ ಪಥದಿ ನಿಶ್ಚಲ ನಿಲುವಿನ […]
ಅತಿಶಯದ ಮಾತಲ್ಲ ಯುಗಪುರುಷ ನಿನ್ನೊಳಿದೋ ಭಾವ ನೈವೇದ್ಯಗಳ ಅರ್ಪಿಸುತಿಹೆ ನಿನ್ನ ನಡೆಗಳ ಕಲಿಸು ನಿನ್ನ ನುಡಿಗಳನುಲಿಸು ಧನ್ಯ ಜೀವನಕಾಗಿ ಪ್ರಾರ್ಥಿಸುತಿಹೆ || ಪ || ಹಿಂದು ರಾಷ್ಟ್ರದ ಋಷಿಯ ದೃಷ್ಟಿ ಸಿಂಚಿಸಿತು ರಾಷ್ಟ್ರಭಕ್ತಿಯ ಅಮೃತ ವೃಷ್ಟಿ ದಾಸ್ಯಗಳ ಧಿಕ್ಕರಿಸಿ, ಸ್ವತ್ವಗಳ ವಿಸ್ತರಿಸಿ ಸೂಸಿದೆ ಸನಾತನದ ಸೃಷ್ಟಿ ದೊರೆತಿದೆ ಪುರಾತನದ ಪುಷ್ಟಿ || 1 || ಋತು ಚಕ್ರವುರುಳುತಿರೆ ಜೋಕೆ | ಕ್ಷಣ ಕ್ಷಣವು ಫಲಿಸುತಿದೆ ಯುಗಯುಗದ ಹರಕೆ ಹಿಂದುತ್ವ ಚೈತನ್ಯ | ರಾಷ್ಟ್ರದೇಹದಿ ನೆಲೆಸಿ ಮೀಟುತಿದೆ ನಾಡಿನಾಡಿಗಳ […]
ಶ್ರೀ ವಿವೇಕಾನಂದ ಗುರುವರ, ನವಯುಗಾಚಾರ್ಯ, ರಾಮಕೃಷ್ಣರ ಭೀಮಶಿಷ್ಯನೆ, ವೀರ ವೇದಾಂತಿ, ಭಾರತಾಂಬೆಯ ಧೀರಪುತ್ರನೆ, ಸಾಧು ಭೈರವನೆ, ಸ್ಥೈರ್ಯದಚಲವೆ, ಧೈರ್ಯದಂಬುಧಿ, ಜಯತು! ಜಯ ಜಯತು! || ಪ || ಮೊರೆದು ಗರ್ಜಿಪ ಕಡಲ ವಾಣಿಯು ನಿನ್ನ ವರವಾಣಿ, ಕಾರಮಿಂಚನು ನಗುವ ತೇಜವು ನಿನ್ನ ಮೈ ಕಾಂತಿ, ಆಳವಂಬುಧಿಯಾಳ ಮೇರೆಯೆ ನಭದ ವಿಸ್ತಾರ ಮಂದರಾದ್ರಿಯ ಮೀರಿದಚಲನು ನೀನು, ಯೋಗೀಂದ್ರ ! || 1 || ನಿನ್ನ ಹೆಸರದೆ ಶಕ್ತಿಯೀಯುವ ದಿವ್ಯತರ ಮಂತ್ರ ನಿನ್ನ ಮಾರ್ಗವೆ ಮುಕ್ತಿದಾಯಕವಾದ ವರಮಾರ್ಗ ನಮ್ಮ ಹೃದಯಕೆ […]
ಜಾತಿಭೇದಭಾವ ಬಿಟ್ಟು ಪಂಥಪಂಗಡಾಚೆ ಇಟ್ಟು ನಾವು ಹಿಂದು ನಾವು ಬಂಧು ಎಂದು ಸಾರಿರಿ ಹಿಂದು ದೇಶ ಹಿಂದು ಧರ್ಮ ಹಿಂದುವಾಗಿ ಉಳಿಯಲೆಂದು ಸಂಘ ಸೇರಿ ಹಿಂದು ಬಂಧು ಒಂದಾಗಿರಿ || ಪ || ರಾಮ ಮತ್ತೆ ಹುಟ್ಟಿ ಬರಲಿ, ಕೃಷ್ಣನಾಗಿ ಧರ್ಮ ತರಲಿ ಧರ್ಮಗಂಭ ಮೇಲೆ ನಮ್ಮ ರಾಷ್ಟ್ರ ಕಟ್ಟಲಿ ನಮ್ಮ ದೇಶ ನಮ್ಮ ನಾಡು ನಮ್ಮದಾಗಿ ಉಳಿಯಲೆಂದು ನಮ್ಮತನವ ಬೆಳೆಸಲೆಂದು ಬಂದು ಸೇರಿರಿ || 1 || ಹರಿಹರಾದಿ ಭಕ್ತರೆಲ್ಲ ಒಂದೇ ತಾಯಿ ಮಕ್ಕಳೆಲ್ಲಾ ತಾಯಿ […]
ರಾಷ್ಟ್ರೋದ್ಧಾರದ ಮೂಲಮಂತ್ರ ಸ್ವಾಭಿಮಾನ ದೇಶಾಭಿಮಾನ ದಿಗ್ವಿಜಯದ ಭುಜಕೀರ್ತಿಯ ಧರಿಸಿ ಮೊಳಗಲಿ ಮಾತೆಯ ಜಯಜಯಗಾನ || ಪ || ಕಲ್ಲುಮುಳ್ಳುಗಳ ಹಾದಿಯಲಿ ಎದೆಗುಂದದೆ ಸಂಚರಿಸೋಣ ವಿಘ್ನ ವಿರೋಧವನೆದುರಿಸುತ ಭರದಲಿ ಗುರಿಯನು ಸೇರೋಣ || 1 || ನಾಡನೆ ನುಂಗುವ ಹೊಂಚುಗಳ ವಿದ್ರೋಹದ ಶತ ಸಂಚುಗಳ ವಿಫಲಗೊಳಿಸುವೆವು ನಾವಿಂದು ಸಬಲಗೊಂಡಿಹುದು ನಾಡಿಂದು || 2 || ರಾಷ್ಟ್ರವ ಕಟ್ಟುವ ಕಾಯಕಕೆ ಅರೆಕ್ಷಣವೆಲ್ಲಿದೆ ವಿಶ್ರಾಂತಿ? ನಿತ್ಯ ನಿರಂತರ ಜಾಗರಣ ಸನಿಹಕೆ ಬಂದಿದೆ ಸಂಕ್ರಾಂತಿ || 3 ||
ನುಗ್ಗಿ ಮುನ್ನಡೆ, ಶಿರಬಾಗಿ ಭಗವಗೆ ಮುನ್ನುಗ್ಗಿ ಮುನ್ನಡೆ, ಶಿರಬಾಗಿ ಭಗವಗೆ ಹಳ್ಳಿ ಹಳ್ಳಿಗೆ ಹೋಗಿ ಸಂಘ ಶಾಖೆಯ ಮಾಡಿ ಒಗ್ಗಟ್ಟಿನಲ್ಲಿಹ ನಮ್ಮ ಬಲವನು ತೋರಿ || ಪ || ಕಾಶ್ಮೀರ ಕಬಳಿಸಲು ಪಾಕಿಗಳು ಕಾದಿಹರು ಅಸ್ಸಾಮಲಿ ದ್ರೋಹಿಗಳು ನುಸುಳಿ ಬೇರು ಬಿಟ್ಟಿಹರು ಖಲಿಸ್ಥಾನಕಾಗಿ ನಡೆವ ಮಾರಣ ಹೋಮವ ನೋಡು ಎಚ್ಚರಾಗೋ ನೀ ಮರೆತು ತುಚ್ಚವಾದ ಭೇದಭಾವ || 1 || ಜಗದಗಲ ಹಿಂದುಗಳು ನನ್ನೆಚ್ಚಿನ ಬಂಧುಗಳು ಅವರ ನೋವೆ ನನಗೆ ನೋವು ಅವರ ನಲಿವೆ ನನಗೆ ನಲಿವು […]
ಹುಟ್ಟಿನಿಂದಲೇ ಜಾತಿ ಹಣೆಪಟ್ಟಿ ಹಚ್ಚುತ್ತ ಮುಟ್ಟದೆ ಅಟ್ಟುವುದು ಸರಿಯೇ? ಅಂತರಿಕ್ಷಕ್ಕೆ ಅಡಿಯಿಟ್ಟ ನರನಿಂದು ಅಂತರವ ತೋರುವುದು ತರವೇ? || ಪ || ಪ್ರಾಣಿ ಪಕ್ಷಿಯಲಿನಿತು ಐಕ್ಯಮತ್ಯದ ಭಾವ ಸಣ್ಣಿರುವೆ ತೆರೆಸೀತೆ ಕಣ್ಣ ಅಣು ಅಣುವ ಸೃಷ್ಟಿ ಮಾಡಿರಲು ಮಾದೇವ ಮತ್ತೇಕೆ ಅಸ್ಪೃಶ್ಯ ವರ್ಣ || 1 || ತರತಮದ ಮೌಢ್ಯ ಮನುಕುಲದ ಜಾಡ್ಯ ಅಳಿಸೋಣ ಹರಿಸುತ್ತ ಒಲವ ಗುರುತಿಸುತ ಆತ್ಮ ಬೆಸೆಯುತ್ತ ಸ್ನೇಹ ಗಳಿಸೋಣ ಏಕತೆಯ ಬಲವ || 2 || ಸೇವೆಯೇ ವ್ರತವು ದುಡಿಮೆಯೇ ಬಲವು […]
ಮನುಕುಲದೇಳಿಗೆ ಸಾಧಿಸ ಹೊರಟೆವು ಪ್ರಭಾತ ಕಿರಣಗಳರಳಿಸುತ ಶೋಷಿತ ಪೀಡಿತ ದಲಿತ ಜನಾಂಗದ ಭಾಗ್ಯೋದಯವನು ನಿರ್ಮಿಸುತಾ || ಪ || ಮೈ ಬೆವರಿನ ಜಲಪಾತವ ಧುಮುಕಿಸಿ ಹೊನ್ನನು ಸೃಜಿಪೆವು ಮಣ್ಣಿನಲಿ ಕಗ್ಗಲ್ಲೊಳು ಸುರಪ್ರತಿಮೆಯ ನಿರ್ಮಿಸಿ ಹೂವರಳಿಸುವೆವು ಮುಳ್ಳಿನಲಿ ಸತತ ಪರಿಶ್ರಮ ಸುರಿಸುತ ನಡೆವೆವು ವೈಭವ ಶಿಖರಕೆ ಧಾವಿಸುತಾ || 1 || ಯಾರೊಬ್ಬರ ಬಾಯ್ತುತ್ತನು ಕಸಿವುದು ಸಲ್ಲದು ಬೇಕಿಲ್ಲವು ನಮಗೆ ನ್ಯಾಯಕೆ ನೀತಿಗೆ ಹೋರಾಡುತಲಿರುವೆವು ನಾವ್ ಕಡೆಯುಸಿರಿನವರೆಗೆ ನಮ್ಮಯ ಹಿತವನು ಪರಹಿತದೊಂದಿಗೆ ಬೆಸೆವೆವು ಸಮರಸ ಸಾಧಿಸುತ || 2 […]