ಸಂಗೀತ ಸಾಮ್ರಾಜ್ಯದರಸುತನ ಕಿತ್ತೆಸೆದು ರಾಷ್ಟ್ರಸೇವೆಗೆ ನಿಂತ ಶ್ರೀ ಯಾದವ ಕೇಶವನ ಸಾನಿಧ್ಯ ಮಾಧವನ ಸಾಮೀಪ್ಯ ಸ್ವರ್ಣಮಂದಾರದಲಿ ಸುಮ ಸೌರಭ || ಪ || ಭಾರತಿಯ ಚರಣದಲಿ ಗಾಯನದ ನೈವೇದ್ಯ ಕೀರ್ತಿಮೋಹವ ಮರೆತ ಬಾಳಪಯಣ ರಾಷ್ಟ್ರವೇ ಶ್ರುತಿಲಯವು ಜೀವನವೆ ಸಂಗೀತ ತ್ಯಾಗಮಯ ಸಂಸ್ಕೃತಿಯ ಭೃಂಗಗಾನ || 1 || ಪೂರ್ವಸೂರಿಗಳೆಲ್ಲ ಸಾರಿ ತೋರಿದ ದಾರಿ ಕೃತಿರೂಪವನು ಪಡೆದ ಸಂಘಕಾರ್ಯ ಸ್ಪರ್ಷಮಣಿ ಗುಣಪಡೆದ ಚುಂಬಕದ ಸೆಳೆತದಲಿ ಪ್ರತಿಮನದಿ ಟಿಸಿಲೊಡೆದ ಧ್ಯೇಯವಾದ || 2 || ಭಾಸ್ಕರನ ಬಿಸುಪಿನಲಿ ಚಂದ್ರಮನ ಶೀತಲತೆ […]
ರಣದುಂದುಭಿಯ ಕರೆ ಕೇಳುತಿದೆ ಏಳಿ ಎದ್ದೇಳಿ ನವಭಾರತವು ಮೈತಾಳುತಿದೆ ಜಡತೆಯ ಪೊರೆ ಸೀಳಿ ಏಳಿ ಎದ್ದೇಳಿ || ಪ || ಮಾತೃಭಕ್ತಿಯ ಸಂಘಶಕ್ತಿಯ ಕಾರ್ಯದಿ ತೊಡಗಿಸುವ ಶತ್ರುಕೂಟಗಳ ಉಗ್ರಗಾಮಿಗಳ ಅಬ್ಬರ ಅಡಗಿಸುವ || 1 || ಶೌರ್ಯಧೈರ್ಯಗಳ ಶಸ್ತ್ರವ ಪಿಡಿದು ಸಮರಕೆ ಸಜ್ಜಾಗಿ ಮಾತೃಭೂಮಿಯ ಅದ್ವಿತೀಯತೆಯ ರಕ್ಷಿಸಲೊಂದಾಗಿ || 2 || ಛತ್ರಪತಿಯ ಆದರ್ಶವೆಮಗಿರೆ ಇನ್ನೇತರ ಅಳುಕು? ರಾಷ್ಟ್ರ ರಕ್ಷಣೆಯ ಧ್ಯೇಯಸಿದ್ಧಿಗೆ ಅದುವೇ ಮುಂಬೆಳಕು || 3 || ಚರಿತೆ ಸಾರಿದೆ ಸ್ವಾಭಿಮಾನದ ಸ್ಫೂರ್ತಿಯ ಇತಿಹಾಸ ಮೊಳಗಲೆಲ್ಲೆಡೆ […]
ಬನ್ನಿ ತೊರೆಗಳೆ ಬನ್ನಿ ನದಿಗಳೆ ಸಾಮರಸ್ಯದ ಜಲಧಿಯೆಡೆಗೆ | ನಿಮ್ಮ ಏಕಾಂತವನು ತೊರೆದು ಕರವ ಜೋಡಿಸಿ ಕಡಲ ತೆರೆಗೆ…..ಸ್ವರವ ಕೂಡಿಸಿ ಒಡಲ ಕರೆಗೆ || ಪ || ಸೂರ್ಯನಾ ಧಗೆ ಬಿಸಿ ಬಿಸಿಲ ಹಗೆ ನಿಮ್ಮ ಒಡಲನು ಸುಡುತಿರೆ ನಲಿವ ಅಲೆಗಳ ಮಧುರ ಮಂಜುಳ ಸ್ವರವು ಸಂಕಟ ಪಡುತಿರೆ ಕಾವು ಸಾವನು ತರುವ ಮುನ್ನ ನಿಮ್ಮ ಘನ ಅಸ್ತಿತ್ವಕೆ ಬನ್ನಿ ಧಾವಿಸಿ ಪೂರ್ಣ ವೇಗದಿ ಹಾತೊರೆದು ಅಮರತ್ವಕೆ || 1 || ನಿಮ್ಮ ಹಮ್ಮನು ತ್ಯಜಿಸಿ ಸುಮ್ಮನೆ […]
ಸಮರಸ ಭಾವ ನಾಡಿನ ಜೀವ ಚೈತನ್ಯಮಯ ಅದರ ಪ್ರಭಾವ | ಅಳಿಸುತ ನೋವ ನಲಿವ ಬೆಳೆಸುವ ಬಣ್ಣಿಸಲಸದಳ ದಿವ್ಯ ಸ್ವಭಾವ || ಪ || ಸಪ್ತಸ್ವರಗಳ ಮೋಹಕ ಲಾಸ್ಯ ಸಾಮರಸ್ಯದ ರೋಚಕ ಭಾಷ್ಯ ತಪ್ತ ಹೃದಯಗಳ ಬೇಗೆ ತಣಿಸುವ ಸಂತೃಪ್ತಿಯ ಸವಿ ಸುಧೆಯ ಉಣಿಸುವ || 1 || ಸಾಮರಸ್ಯವೇ ಸೃಷ್ಟಿಯ ನಿಯಮ ಇದು ಮನುಜತ್ವಕೆ ಹೊಸ ಆಯಾಮ ಧರೆಯಲಿ ಸ್ವರ್ಗವ ಸೃಜಿಸುವ ಹಾದಿ ನವ ಭವಿತವ್ಯಕೆ ಭದ್ರ ಬುನಾದಿ || 2 || ಸಾಮರಸ್ಯದಿಂ ನಾಡಿಗೆ […]
ಯುದ್ಧಭೂಮಿ ಕರೆದಿದೆ ನಿದ್ದೆ ತೊರೆದು ಎದ್ದು ಬಾ ಘೋರ ಸಂಗ್ರಾಮಕೆ ಸಿದ್ಧನಾಗಿ ಮುಂದೆ ಬಾ ಭರತಮಾತೆಗೆ ಜೈ ಭರತಮಾತೆಗೆ ಶಿರವಬಾಗಿ ಮುನ್ನಡೆ ವಿಶ್ವನಾಥಗೆ || ಪ || ರಣಕಹಳೆಯ ಸಿಂಹನಾದ ಮೊಳಗುತಿರುವುದು ಸಮರಭೇರಿ ಗಡಿಯುದ್ಧಕು ಗುಡುಗುತಿರುವುದು ನಡುಗುತಿಹರು ಅರಿಗಳು ಚದುರುತಿಹುರು ರಿಪುಗಳು ಶತ್ರುಕುಲದ ಹುಟ್ಟನಳಿಸೆ ಮುನ್ನುಗ್ಗು ಬಾ || 1 || ಸಾಕು ಮಾಡು ಬರಿಯ ಶಾಂತಿಮಂತ್ರ ಬೋಧನೆ ಅರಿಯದೇನು ಭಾರತಾಂಬೆಯೊಡಲ ವೇದನೆ ? ಗೈದು ವೀರಘೋಷಣೆ ಅಸ್ತ್ರಶಸ್ತ್ರ ಚಾಲನೆ ದ್ರೋಹಿಗಳಿಗೆ ತಕ್ಕ ಪಾಠವನ್ನು ಕಲಿಸು ಬಾ […]
ನಾಡನು ಕಟ್ಟಲು ಬನ್ನಿ ಅರಿಗಳ ಮೆಟ್ಟಲು ಬನ್ನಿ ಹೇಡಿತನವನು ಬಡಿದೋಡಿಸುತಾ ಗುರಿಯನು ಮುಟ್ಟಲು ಬನ್ನಿ || ಪ || ನಮ್ಮ ಪರಂಪರೆ ಇತಿಹಾಸ ಸಾಸಿರ ಸಂತರ ಸಂದೇಶ ಸ್ಫೂರ್ತಿಯ ಚಿಮ್ಮಿಸಿ ಶಕ್ತಿಯ ಹೊಮ್ಮಿಸಿ ಮೊಳಗಲಿ ಮಾತೆಯ ಜಯಘೋಷ || 1 || ಶೌರ್ಯ ಪರಾಕ್ರಮ ವರ್ಧನೆಗೆ ಧೈರ್ಯ ಸಾಹಸದ ವರ್ತನೆಗೆ ಸಂಘಶಕ್ತಿಯಿಂ ದೇಶಭಕ್ತಿಯಿಂ ರಾಷ್ಟ್ರದ ನಿಜ ಪರಿವರ್ತನೆಗೆ || 2 || ಸುತ್ತಲು ರಿಪುಗಳು ಮುತ್ತಿರಲು ವಿದ್ರೋಹವು ಹೆಡೆ ಎತ್ತಿರಲು ಜಡತೆಯ ತೊರೆದು ದೃಢತೆಯ ಮೆರೆದು ಅಂತಿಮ […]
ಭಾರತಾಂಬೆಯ ವೀರಕುವರರೆ ಏಳಿ ಎದ್ದೇಳಿ ನಾಡದೇವಿಯ ತೇರನೆಳೆಯಲು ಸ್ವಾಭಿಮಾನದಲಿ ॥ ಒಗ್ಗೂಡಿ ಒಂದಾಗಿ ಸಾಗೋಣ ಚೆಂದಾಗಿ ಹಿಗ್ಗುತ್ತ ಮುಂದಾಗಿ ನಾವೆಂದಿಗೂ ॥ ಸೋಲು ಗೆಲುವು ನೋವು ನಲಿವು ಒಂದೇ ಭಾವದಿ ಸ್ವೀಕರಿಸಿ ॥ ಅಂತಿಮ ವಿಜಯದ ಸಾಧನೆಗಾಗಿ ಸಂಕಲ್ಪವ ಧರಿಸಿ ॥ (ಪ್ರಾಂತ ಘೋಷ್ ಶಿಬಿರದ ಶಿಬಿರ ಗೀತೆ)
ತಂಗಾಳಿಯಾಗಿ ನೀ ಬೀಸು ತಂಗಿ ನೊಂದವರ ಮನೆಯ ಅಂಗಳಕೆ ಬೆಂದಿಹ ಮನದ ಮಂದಿರಕೆ || ಪ || ಬಂಗಾರದೊಡವೆಯ ಹಂಗೇಕೆ ನಿನಗೆ ಗುಣಗಳೆ ಅಂದದ ಸಿಂಗಾರ ಸರಳತೆ ಶ್ರದ್ಧೆ ಸತ್ಯ ಸಹೃದಯ ಎಂದಿಗು ಕರಗದ ಭಂಡಾರ || 1 || ನೀ ಒಂಟಿಯೆಂಬ ಭೀತಿಯು ಬೇಡ ಹಿರಿಯರು ನಿನ ಬೆಂಬಲಕಿಹರು ಮನೆಮನೆಯಲ್ಲೂ ನಿನ್ನ ಪ್ರೀತಿಸುವ ನೂರಾರು ಬಂಧುಭಗಿನಿಯರು || 2 || ಕಷ್ಟಗಳೆಷ್ಟು ಬಂದರೆ ಬರಲಿ ಧೈರ್ಯದಿ ಎದುರಿಸಿ ನೀ ನಿಲ್ಲು ನೋವನ್ನು ನುಂಗಿ ನಗುವನ್ನು ಚೆಲ್ಲು […]
ಶತಮಾನದ ಶುಭ ಆಶಯದೆಡೆಗೆ ದಶಮಾನದ ಅಭಿಮಾನದ ನಡಿಗೆ ಉರುಳಿತು ಭರದಲಿ ಕಾಲಚಕ್ರ ಮೊಳಗಿತು ಎಲ್ಲೆಡೆ ಸೇವೆಯ ಮಂತ್ರ ಲೋಕಹಿತಂ ಮಮ ಕರಣೀಯಮ್ || ಪ || ಪಶ್ಚಿಮ ಜಲಧಿಯ ಲಕ್ಷಲಹರಿಗಳು ನಿಶ್ಚಲವಾಗುವುದುಂಟೇನು ? ಅಕ್ಷಯ ಸ್ಪೂರ್ತಿಯ ಯುವಜನಶಕ್ತಿಯು ನಿಷ್ಪಲವಾಗುವುದುಂಟೇನು ? ಮೊರೆಯಿತು ಧ್ಯೇಯದ ಭವ್ಯ ಸಮುದ್ರ ಮೊಳಗಿತು ಎಲ್ಲೆಡೆ… || 1 || ತೊಟ್ಟಿಲ ತೂಗುವ ಕೋಮಲಕರಗಳು ಕಟ್ಟಲು ಬಲ್ಲವು ರಾಷ್ಟ್ರವನು ಕಟ್ಟಿದ ಅಬಲೆಯ ಪಟ್ಟವ ಕಳಚಿ ಮುಟ್ಟಲು ಬಲ್ಲವು ಲಕ್ಷ್ಯವನು ಸಾರುತ ನಾರಿಯ ನೂತನ ಪಾತ್ರ […]
ಸರಿದರೇನು ತೆರೆಯ ಮರೆಗೆ ನಿನ್ನ ಮರೆಯಲಾರೆವು ನೀನು ತೋರಿದಂಥ ಪಥವ ಎಂದೂ ತೊರೆಯಲಾರೆವು ಮಧುರ ಸ್ವರದ ವಾದಕ .. ನಮನ ಅಮರ ಸಾಧಕ || ಪ || ಶತ ಸಹಸ್ರ ವಂಶಿಯಿಂದ ಮೊಳಗಿ ವೀರ ಸುಸ್ವರ ಹೊಳೆವ ಶಂಖದೊಡಲಿನಿಂದ ದಿವ್ಯನಾದ ಸುಮಧುರ ಅರಿಗಳೆದೆಯ ನಡುಗಿಸಿದ್ದೆ ಗುಡುಗಿ ಪಣವ ರೂಪದಿ ಆನಕಗಳ ರಣರಣನದಿ ಝಲ್ಲರಿಗಳ ತಾಳದಿ || 1 || ಸಂಘಟನೆಗೆ ರಂಗು ತುಂಬುವಂಥ ಸಂಚಲನದಲಿ ಸಂಚಲನಕೆ ಶೋಭೆ ತರುವ ದಿವ್ಯ ವಾದ್ಯಗಣದಲಿ ಮೆರೆಯುತಿರುವ ಘೋಷದಂಡ ಅದುವೆ ನಿನಗೆ […]