ದೇಶದುನ್ನತಿ ಅಲ್ಲಿ ನೆಲೆಸುವ ಜನರ ಶ್ರದ್ಧೆಯ ಬಯಸಿದೆ ದೇಶಸೇವೆಯೆ ಈಶ ಸೇವೆಯು ಎನುವ ಮನಗಳ ಕರೆದಿದೆ || ಪ || ಹುಲ್ಲು ಬೇರದು ನೀರು ನಿಲುಕಿದ- ರಲ್ಲೆ ಭುವಿಯಲಿ ಬೆಳೆವುದು ಹಸಿರ ಸೂಸುತ ತನ್ನಲಡಗಿಹ ಕಸುವ ಕಾಣಿರೋ ಎನುವುದು || 1 || ಬದುಕು ಸಾಗಿಸಲೊಂದು ದಾರಿಯು ದೊರೆವುದತಿ ಅನಿವಾರ್ಯವು ಕೆದುಕೆ ಬೂದಿಯ ಬುದ್ಧಿ ಅಗ್ನಿಯು ಉರಿದು ಬೆಳಗಲಿ ಧ್ಯೇಯವು || 2 || ಯುಕ್ತರಲಿ ಉಂಟೆಂದು ಬುದ್ಧಿಯು ಬುದ್ಧಿಯಿಂದಲೆ ಭಾವನೆ ಸೂಕ್ತ ರೀತಿಯ ಬಾಳ ಹಾದಿಯು […]
ಭಗವೆಯು ಹಾರಾಡುತಿದೆ ಆಹಹ್ಹಹಾ ಜಗವೇ ತಲೆಬಾಗುತಿದೆ ಓಹೊಹ್ಹೊಹೋ ಎಂಥ ಸಡಗರ……. ಎಂಥ ಸಂಭ್ರಮ ಅಂತಿಮ ಜಯ ಸಾಧನೆಯ ಕ್ಷಣವು ಬಂದಿದೆ || ಪ || ಕಾಶ್ಮೀರ ನಮ್ಮದು ವರ ಹಿಮಾದ್ರಿ ನಮ್ಮದು ಶ್ರೀರಾಮಕೃಷ್ಣರ ಜನ್ಮಭೂಮಿ ನಮ್ಮದು ಶತ್ರುಗಳ ಹೊಂಚನು, ದ್ರೋಹಿಗಳ ಸಂಚನು ಮಿಂಚಿನಂತೆ ಎರಗಿ ವಿಫಲಗೊಳಿಸಬನ್ನಿರಿ || 1 || ಮೆಟ್ಟಿಬನ್ನಿ ಭೇದಭಾವ ಒಂದೇ ಎಲ್ಲರೂ ದೇವರ ಈ ನಾಡಿನಲ್ಲಿ ಸರಿಸಮಾನರು ಸಂಘಟನೆಯ ಶಕ್ತಿಯು, ಇರಲು ರಾಷ್ಟ್ರಭಕ್ತಿಯು ಸಕಲ ಸಂಕಷ್ಟನೀಗಿ ಬಂಧ ಮುಕ್ತಿಯು || 2 || […]
ವಿಶ್ವಕೆ ಭಾರತವಿತ್ತ ಕೊಡುಗೆಯು ಮಾನವ ಮಾಧವನಾಗುವ ಬಗೆಯು ಅನುಪಮ ಯೋಗ ಪ್ರಯೋಗ ಅಮರತ್ವದ ಸಹಯೋಗ || ಪ || ಚಿತ್ತದ ಚಂಚಲತೆಗೆ ಕಡಿವಾಣ ಸಾರ್ಥಕ ಬದುಕಿಗೆ ಇದು ಸೋಪಾನ ಹೊಮ್ಮಿಸಿ ನವಚೈತನ್ಯದ ಹೊನಲು ಅಕ್ಷಯ ಆತ್ಮಾನಂದದ ಮಜಲು || 1 || ಹೊರನೋಟಕೆ ಇದು ಬರಿ ವ್ಯಾಯಾಮ ಆಳದಿ ಅದ್ಭುತಶಕ್ತಿಯ ಧಾಮ ತನುಮನಗಳ ಸ್ವಾಸ್ಥ್ಯಕೆ ಸಹಕಾರಿ ಆಧ್ಯಾತ್ಮದ ಸಿದ್ಧಿಯ ರಹದಾರಿ || 2 || ಅಷ್ಟಾಂಗದ ಅಲುಗದ ಅಡಿಪಾಯ ಉತ್ತುಂಗದ ಸಾಧನೆಯ ಉಪಾಯ ಯೋಗದ ಪ್ರಭೆ ಚಿರಕಾಲ […]
ವಿಜಯ ದುಂದುಭಿ ಮೊಳಗಲಿ ಹೃದಯದಂಬುಧಿ ಮೊರೆಯಲಿ ಧ್ಯೇಯ ಸೂರ್ಯನ ದಿವ್ಯ ಕಿರಣವು ಭರತ ಭೂಮಿಯ ಬೆಳಗಲಿ ವಿಶ್ವವೇ ತಲೆಬಾಗಲಿ || ಪ || ಜಡತೆ ನೀಗುತ ಸತತ ಸಾಗುವ ರಣೋತ್ಸಾಹವ ಮೂಡಿಸಿ ನಾಡನೊಡೆಯುವ ಸಂಚು ಹೂಡಿಹ ಶತ್ರುಗಳ ಬಡಿದೋಡಿಸಿ || 1 || ಸೋಲನೊಲ್ಲದೆ ನಡಿಗೆ ನಿಲ್ಲದೆ ಗೆಲುವಿನ ಗುರಿ ಸೇರುತ ಹಿಂದು ಭೂಮಿಯ ಕ್ಷಾತ್ರ ತೇಜವ ದಿಗ್ದಿಗಂತಕೆ ಬೀರುತ || 2 || ತರುಣ ಶಕ್ತಿಯದಮ್ಯ ಸ್ಫೂರ್ತಿಗೆ ಸಾಟಿ ಎಲ್ಲಿದೆ ಧರೆಯಲಿ ? ಭಾರತಾಂಬೆಯ ಜಯಪತಾಕೆಯು […]
ಎಚ್ಚೆತ್ತ ಭಾವದೊಳು ರಾಷ್ಟ್ರಸೇವೆಯಗೈಯೆ ದನಿಯಾಗು ಓ ಮನವೆ ನಾಡು ನುಡಿಗೆ ಎಲ್ಲರೊಳಗೊಂದಾಗು, ಎಲ್ಲರೊಳು ಹಿತವಾಗು ಕರವಿಡಿದು ಮುನ್ನಡೆಸು ತಾಯಗುಡಿಗೆ || ಪ || ಹುಟ್ಟು ಸಾವಿನ ನಡುವೆ ಬಡತನವು ಸಿರಿತನವು ಎನಿತೆನಿತೋ ವಿವಿಧತೆಯು ಬಾಳ ರಥಕೆ ಕಷ್ಟವೇನೇ ಬರಲಿ ಸುಖವು ಕಾದಿದೆ ಮುಂದೆ, ಧರ್ಮಸೂತ್ರವೆ ದಿಟವು ಧ್ಯೇಯ ಪಥಕೆ || 1 || ರಾಷ್ಟ್ರದೇಕತೆಯಲ್ಲಿ ಹಲವು ಭಾಷೆಗಳಿರಲು ಸಾಹಿತ್ಯ ಸಂಪದದ ಭಾವವೊಂದೇ ವಿಧ ವಿಧ ಪ್ರಕಾರಗಳ ಕೃತಿರೂಪಿ ಕಾಯಕಕೆ ಸಾಮರಸ್ಯವ ಬೆಸೆವ ಕನಸು ಒಂದೇ || 2 […]
ಒಂದುಗೂಡಿ ಬೆರೆತುಕೊಂಡು ಬಂಧು ಭಾವ ಬೆಳೆಸಿಕೊಂಡು ಒಕ್ಕೊರಳಲಿ ಕೂಗುವಾ ತಾಯಿಗೆ ಜಯಘೋಷವ ತಾಯಿ ಭಾರತಿ ನಿನಗೆ ಆರತಿ || ಪ || ವಿಶ್ವಕೆ ತಂಪೆಲರನಿತ್ತ ಸುಂದರ ವಟವೃಕ್ಷವು ಜ್ಞಾನದ ಸುಪ್ರಭೆಯನಿತ್ತು ಪ್ರಜ್ವಲಿಸುವ ಜ್ಯೋತಿಯು ಸಂಸ್ಕಾರದ ಸುಧೆಯ ಧಾರೆ ಹರಿವ ಮಹಾ ಸಲಿಲವು ವಿಶ್ವಪ್ರೇಮದಪ್ಪುಗೆಯಲಿ ಮಮತೆಯೀವ ನಾಕವು || 1 || ಬಾನೆತ್ತರವೇರಲಿ ಈ ಮಣ್ಣಿನ ಕೀರ್ತಿಯು ಭೂಮಂಡಲದಾಚೆಗೂ ಹಬ್ಬಲಿ ಜಯಗೀತೆಯು ಜನರೆದೆಯಲಿ ಅನುರಣಿಸಲಿ ದೇಶಭಕ್ತಿ ಗಾನವು ಮನದಲಿ ಮನೆಮಾಡಲು ಸ್ವಾಭಿಮಾನ ಮಂತ್ರವು || 2 || ತರುಣಶಕ್ತಿಯೇಳಲಿ […]
ಯೋಗವೇ ಜೀವನ… ಸಹಯೋಗವೆ… ಸಹಜೀವನ ಅಂಬರದಾಚೆ, ಸಾಗರದಾಚೆ ಬೆಳಗುತಿದೆ ಯೋಗವು, ಮನೆಮನೆಯಲ್ಲೂ, ಮನಮನದಲ್ಲೂ ಅರಳಲಿದೆ ಯೋಗವು ವ್ಯಕ್ತಿಯ ಬದುಕಿನ ಕಣಕಣಗಳಿಗೂ ವ್ಯಾಪಿಸಲಿದೆ ಯೋಗವು ಜೀವನವೆಂದರೆ ಯೋಗ… ಭಾವನೆಗಳಿಗೆ ಸಂಯೋಗ… || ಪ || ನುಡಿದಂತೆ ನಡೆಯುವ ಜೀವನ ಯೋಗ ಸತ್ಯ ಅಹಿಂಸೆಯ ಪಾಲನೆ ಯೋಗ, ಮನಸ್ಸೆಲ್ಲ ನಿರ್ಮಲ ಹೃದಯ ನಿಷ್ಕಲ್ಮಶ ಸಂಸ್ಕಾರ, ಸಂಯಮ, ಅದುವೆ ಯೋಗ || 1 || ಜಗಕ್ಕೆಲ್ಲ ಬೆಳಕೀವ ಸೂರ್ಯನಿಗೆ ನಮನ ಮಂತ್ರಗಳಾ ಯೋಗ ಸಮ್ಮಿಲನ ಶರೀರಕೆ ವ್ಯಾಯಾಮ ಜೊತೆಗೆ ಪ್ರಾಣಾಯಾಮ ನಿರ್ಮೋಹಿ, […]
ಸಂಘಗಂಗೆಯ ಭಾವಜಲದಲಿ ಮಿಂದು ಬಂದಿಹ ಯೋಧನೇ | ಕಾರ್ಯವದು ಕೈಬೀಸಿ ಕರೆದಿದೆ ತೋರು ನಿನ್ನಯ ಸಾಧನೆ || ಪ || ಧರ್ಮಪಥವಿದೆ ಕರ್ಮರಥವಿದೆ ರಥಕೆ ನೀನೇ ಸಾರಥಿ ವೇಗನಿನ್ನದು ವಾಘೆ ನಿನ್ನದು ಹರಸುತಿರುವಳು ಭಾರತಿ || 1 || ನಿಷೇಧದಂಚಿದೆ ವಿಧಿಯ ಮಾರ್ಗಕೆ ಚರಿತವಿರಚಿತ ಗುರುತಿದೆ ಬುದ್ಧಿ ತನುಮನ ತಿದ್ದಿ ತೀಡಲು ಗುರುವಿನೊಲವಿನ ಕೃಪೆ ಇದೆ || 2 || ಪೂರ್ವಜನ್ಮದ ಪುಣ್ಯ ನಿನ್ನದು ತೇರನೆಳೆಯುವ ಕಾಯಕ ಭರತಮಾತೆಯ ವಿಶ್ವವಿಜಯಕೆ ಸಮಯಕೊದಗಿಹ ಸೇವಕ || 3 ||
ಮಬ್ಬು ಕಳೆದು ಎಚ್ಚರಾಗಿ ಕೆಚ್ಚಿನಿಂದ ಮುಂದೆ ಸಾಗಿ ಕೊಚ್ಚಿ ಹಾಕಿ ಪಾಪಿಗಳನು ಭರತ ಮಾತೆ ಪುತ್ರರಾಗಿ || ಪ || ಹಿಂದು ಅವನೇ ಕರ್ಮಯೋಗಿ, ಪರರ ಹಿತಕೆ ಅವನು ತ್ಯಾಗಿ ಎಲ್ಲರೊಂದು ಎನುವ ಬಂಧು, ದುಡಿಯುವವನು ಲೋಕಕಾಗಿ ರಣವ ಬಯಸದಂಥ ಗುಣವು ಆದನಲ್ಲ ಅವನು ಹೇಡಿ ಶಾಂತಿ ಕದಡಿ ರಾಡಿಯಿನ್ನು ಸಹಿಸಿ ಸಾಕು ಸಿದ್ಧರಾಗಿ || 1 || ಉಗ್ರಗಾಮಿ ಒಳಗೆ ಹೊರಗೆ, ನಗುತಲಿಹನು ಅಳುವ ನೋಡಿ ಬಗ್ಗು ಬಡಿಯಬೇಕು ಕ್ರೌರ್ಯ, ಶೀಘ್ರ ಅವರ ಅಂತ್ಯ ಹಾಡಿ […]
ಮನುಕುಲದುಳಿವಿಗೆ ಮನುಜತೆಯೇಳ್ಗೆಗೆ | ಇರುವುದೊಂದೇ ದಾರಿ ಹಿಂದುತ್ವದ ಹೆದ್ದಾರಿ || ಪ || ಮೇದಿನಿಯೊಡಲಿನ ಬೇಗೆಯ ತಣಿಸಲು ರೋಷದ್ವೇಷಗಳ ಬೆಂಕಿಯ ಮಣಿಸಲು ಬಂಧುತ್ವದ ಸವಿ ಅಮೃತ ಉಣಿಸಲು ಇರುವುದೊಂದೇ ದಾರಿ ಹಿಂದುತ್ವದ ಹೆದ್ದಾರಿ || 1 || ಚಲಿಸಿದೆ ವಿಶ್ವ ವಿನಾಶದ ಕಡೆಗೆ ಪ್ರಗತಿಯ ಹೆಸರಲಿ ಪತನದ ಎಡೆಗೆ ಅಜ್ಞಾನದ ಅಧ್ವಾನದ ತಡೆಗೆ ಇರುವುದೊಂದೇ ದಾರಿ ಹಿಂದುತ್ವದ ಹೆದ್ದಾರಿ || 2 || ಉಗ್ರವಾದಿಗಳ ಭೀಕರ ಕೃತ್ಯ ಬರ್ಬರತೆಯ ಪೈಶಾಚಿಕ ನೃತ್ಯ ತಡೆಗಟ್ಟುವುದೆಮ್ಮಯ ಕರ್ತವ್ಯ ಇರುವುದೊಂದೇ ದಾರಿ […]