ಯುಗದ ಆಹ್ವಾನವಿದು ಕೇಳಬನ್ನಿ

ಯುಗದ ಆಹ್ವಾನವಿದು ಕೇಳಬನ್ನಿ
ತಾಯ್ನೆಲದ ಕರೆಗೆ ಓಗೊಡುತ ಬನ್ನಿ       || ಪ ||

ಸಾವಿರದ ಇತಿಹಾಸ ನಿತ್ಯ ಪ್ರೇರಕವಾಗಿ
ಎಮ್ಮ ಹಿರಿಯರ ಬಾಳು ದೀಪವಾಗಿ
ನವಿರುಗೊಳ್ಳಲಿ ತ್ರಾಣ ಕ್ಷಾತ್ರ ಶಕ್ತಿಯ ಸ್ಫುರಣ
ನಾಡರಕ್ಷಾಕವಚ ಆಗಬನ್ನಿ              || 1 ||

ಆತ್ಮವಿಸ್ಮೃತಿಯೊಂದು ಸ್ವಾರ್ಥ ಚಿಂತನೆಯೊಂದು
ರಾಹು ಕೇತು ಗ್ರಹಣ ಮುಕ್ತವಾಗಿ
ಬೆಳಗಲಿದೆ ಹಿಂದುತ್ವದಾ ಪ್ರಭೆಯು ವಿಶ್ವವನೆ
ರಾಷ್ಟ್ರಜೀವನ ಮರಳಿ ಶಕ್ತವಾಗಿ         || 2 ||

ದೇಹವಿದು ನಶ್ವರವು ನಾಡೆಮದು ಶಾಶ್ವತವು
ನಶ್ವರವು ಶಾಶ್ವತಕೆ ಮುಡಿಪು ಎನ್ನಿ
ಪರಮವೈಭವ ಪದವ ಜನುಮದಾತೆಗೆ ತರಲು
ಬೆವರು ನೆತ್ತರ ಬೆಲೆಯ ತೆರುವ ಬನ್ನಿ     || 3 ||