ಧ್ಯೇಯದ ಹಾದಿಗೆ ಬಾಳ ನಡಿಗೆ ಸಾಗಿದೆ

ಧ್ಯೇಯದ ಹಾದಿಗೆ ಬಾಳ ನಡಿಗೆ ಸಾಗಿದೆ
ಭಾವ ಹಣತೆ ಉರಿದಿದೆ ತಾಯ ಗುಡಿಯ ಬೆಳಗಿದೆ || ಪ ||

ಕರದಿ ಸಂಘ ಸೂತ್ರ ಹಿಡಿದು

ಭರದಿ ಹಿಂದು ತೇರನೆಳೆದು
ತರತಮ ವಿಷ ಕಳೆಯ ಕೀಳಿ
ಪರಕೀಯತೆ ಪದರ ಸೀಳಿ
ಸಂಘ ಮಂತ್ರ ಜಪಿಸುತ ಬಂಧು ಭಾವ ಬೆಳೆಸುತ || 1 ||

ಸ್ವಾರ್ಥ ಭಾವ ದೂರಗೊಳಿಸಿ
ಕೀರ್ತಿ ಮೋಹ ಬದಿಗೆ ಸರಿಸಿ
ಅರಳಿಸುತಲಿ ಶುದ್ಧ ಶೀಲ

ಅರ್ಪಿಸುತಲಿ ಬದ್ಧ ಬಾಳ

ಬನ್ನಿ ತಾಯ ಸೇವೆಗೆ ಉರಿಸಿ ಕಾಯ ದೀವಿಗೆ || 2 ||

ವ್ಯಕ್ತಿ ವ್ಯಕ್ತಿಗಳನು ಬೆಸೆದು
ಭಕ್ತಿ ಶಕ್ತಿಗಳನು ಹೊಸೆದು
ಕುಡಿದು ವೀರವ್ರತದ ಸುಧೆ
ದುಡಿದು ಸೃಜಿಸಿ ಕಾರ್ಯಪಡೆ
ಮಾಡಲಿಹೆವು ನನಸು ನಾಡಿನೇಳ್ಗೆ ಕನಸು || 3 ||