ಸರಿಗಮ ಸ್ವರಗಳ ಏರಿಳಿತ ಅದುವೇ ಸುಮಧುರ ಸಂಗೀತ ಸಮರಸತೆಯ ಸ್ಪಂದನ ಮಿಡಿತ ನಾಡಿನ ಐಕ್ಯದ ಸಂಕೇತ || ಪ || ಅಳಿಸಲೇಬೇಕು ನಾವಿಂದು ಮೇಲುಕೀಳುಗಳ ಅಂತರವ ರಚಿಸಲೇಬೇಕು ಸುಂದರ ಸದೃಢ ಭಾರತಮಾತೆಯ ಮಂದಿರವ || 1 || ಜಾತಿಮತಗಳ ಗೋಡೆಯ ಕೆಡವಿ ರಾಷ್ಟ್ರೀಯತೆಯು ಪ್ರವಹಿಸಲಿ ಹಿಂದುತ್ವದ ಶ್ರೀಗಂಧದ ಪರಿಮಳ ದಶದಿಶೆಗಳಿಗೂ ಪಸರಿಸಲಿ || 2 || ವಿಶ್ವಶಾಂತಿಯ ಗುರಿಸಾಧನೆಗೆ ವಿಶ್ವಾಸವೆ ಮೂಲಾಧಾರ ಭಾರತೀಯರೇ ನೀಡಲು ಬಲ್ಲೆವು ಯುಗಗಳ ಕನಸಿಗೆ ಆಕಾರ || 3 ||
ಎಂಥ ಸುಮಧುರ ಬಂಧನ ಸಂಘಕಿಂದು ಬಂದೆನಾ ನಾಡ ಕೀರ್ತಿಯ ಉಳಿಸಿ ಬೆಳೆಸಲು ಐಕ್ಯವೊಂದೇ ಸಾಧನಾ || ಪ || ನಡೆಯಲಾರದೆ ತೆವಳುತಿದ್ದೆನು ನಡಿಗೆ ಕಲಿಸಿತು ಸಂಘವು ನುಡಿಯಲಾರದೆ ತೊದಲುತಿದ್ದೆನು ನುಡಿಯ ಉಲಿಸಿತು ಸಂಘವು ಪಡೆದೆ ಉನ್ನತ ಜ್ಞಾನ ಸದ್ಗುಣ ಲಭಿಸಿ ಸಜ್ಜನ ಸಂಗವು || 1 || ಗುರಿಯ ಅರಿಯದೆ ತಿರುಗುತಿದ್ದೆನು ಮರೆತು ತನುವಿನ ಪರಿವೆಯ ಗುರುವು ದೊರೆಯದೆ ಮರುಗುತಿದ್ದೆನು ಪಡೆದೆ ಸದ್ಗುರು ಭಗವೆಯ ದಾರಿ ದೀಪದ […]