ಸರಿಗಮ ಸ್ವರಗಳ ಏರಿಳಿತ ಅದುವೇ ಸುಮಧುರ ಸಂಗೀತ ಸಮರಸತೆಯ ಸ್ಪಂದನ ಮಿಡಿತ ನಾಡಿನ ಐಕ್ಯದ ಸಂಕೇತ || ಪ || ಅಳಿಸಲೇಬೇಕು ನಾವಿಂದು ಮೇಲುಕೀಳುಗಳ ಅಂತರವ ರಚಿಸಲೇಬೇಕು ಸುಂದರ ಸದೃಢ ಭಾರತಮಾತೆಯ ಮಂದಿರವ || 1 || ಜಾತಿಮತಗಳ ಗೋಡೆಯ ಕೆಡವಿ ರಾಷ್ಟ್ರೀಯತೆಯು ಪ್ರವಹಿಸಲಿ ಹಿಂದುತ್ವದ ಶ್ರೀಗಂಧದ ಪರಿಮಳ ದಶದಿಶೆಗಳಿಗೂ ಪಸರಿಸಲಿ || 2 || ವಿಶ್ವಶಾಂತಿಯ ಗುರಿಸಾಧನೆಗೆ ವಿಶ್ವಾಸವೆ ಮೂಲಾಧಾರ ಭಾರತೀಯರೇ ನೀಡಲು ಬಲ್ಲೆವು ಯುಗಗಳ ಕನಸಿಗೆ ಆಕಾರ || 3 ||
ಸಮರಸ ಭಾವದ ಸರಿಗಮ ಸ್ವರದಲಿ ಹೊಸ ಹಾಡೊಂದನು ಹಾಡೋಣ ತರತಮವಿಲ್ಲದ ಸರಿಸಮ ಸೂತ್ರದಿ ಹೊಸ ನಾಡೊಂದನು ಕಟ್ಟೋಣ || ಪ || ಕುಡಿಯುವ ಜಲ ಉಸಿರಾಡುವ ಗಾಳಿ ನಡೆದಾಡುವ ನೆಲ ನಮಗೊಂದೇ ನಮ್ಮ ಶರೀರದ ಕಣಕಣಗಳಲಿ ಹರಿಯುವ ನೆತ್ತರು ತಾನೊಂದೇ || 1 || ಜಾತಿ ಭೇಧಗಳ ಮೇಲುಕೀಳುಗಳ ಬೇರು ಸಹಿತ ಕಿತ್ತೆಸೆಯೋಣ ಬಂಧುತ್ವದ ಭಾವೈಕ್ಯದ ನಂಟಲಿ ಹೃದಯ ಹೃದಯಗಳ ಬೆಸೆಯೋಣ || 2 || ಸೋಲು ಗೆಲುವುಗಳು ನೋವು ನಲಿವುಗಳು ಬದಲಿಸದಿರಲಿ ಬದ್ಧತೆಯ ರೋಷ ದ್ವೇಷಗಳ […]