ಕೃತ್ವಾ ನವದೃಢಸಂಕಲ್ಪಮ್ ವಿತರಂತೋ ನವಸಂದೇಶಮ್ ಘಟಯಾಮೋ ನವಸಂಘಟನಮ್ ರಚಯಾಮೋ ನವಮಿತಿಹಾಸಮ್ || ಪ || ನವಮನ್ವಂತರಶಿಲ್ಪಿನಃ ರಾಷ್ಟ್ರಸಮುನ್ನತಿಕಾಂಕ್ಷಿಣಃ ತ್ಯಾಗಧನಾಃ ಕಾರ್ಯೈಕರತಾಃ ಕೃತಿನಿಪುಣಾಃ ವಯಮವಿಷಣ್ಣಾಃ || 1 || ಭೇದಭಾವನಾಂ ನಿರಾಸಯಂತಃ ದೀನದರಿದ್ರಾನ್ ಸಮುದ್ಧರಂತಃ ದುಃಖವಿತಪ್ತಾನ್ ಸಮಾಶ್ವಸಂತಃ ಕೃತಸಂಕಲ್ಪಾನ್ ಸದಾ ಸ್ಮರಂತಃ || 2 || ಪ್ರಗತಿಪಥಾನ್ನ ಹಿ ವಿಚಲೇಮ ಪರಂಪರಾಂ ಸಂರಕ್ಷೇಮ ಸಮೋತ್ಸಾಹಿನೋ ನಿರುದ್ವೇಗಿನೋ ನಿತ್ಯ-ನಿರಂತರ-ಗತಿಶೀಲಾಃ || 3 ||