ನವಭಾರತವನು ಕಟ್ಟಲು ಬನ್ನಿ ನವದಿಗಂತವನು ಮುಟ್ಟಲು ಬನ್ನಿ ಅರಿಗಳ ಪಡೆಯನು ಮೆಟ್ಟಲು ಬನ್ನಿ ದ್ರೋಹಿಗಳನು ಹೊರಗಟ್ಟಲು ಬನ್ನಿ || ಪ || ತಾಯ್ನೆಲದಿತಿಹಾಸದ ಗರ್ಭದಲಿ ಹುದುಗಿದೆ ಸ್ಫೂರ್ತಿಯ ಹೊಂಬೆಳಕು ಜಗವನೆ ಜಯಿಸಿದ ಸಾಹಸವೀರರ ಶೌರ್ಯಪರಾಕ್ರಮಯುತ ಬದುಕು || 1 || ನಾಡಿನ ಐಕ್ಯ ಸಮಗ್ರತೆಯು ಭೇದದಿ ಛೇದಿತಗೊಳದಿರಲಿ ಹಿಂದುತ್ವದ ಬಂಧುತ್ವದ ಮಂತ್ರವು ಎಲ್ಲೆಡೆ ಮಾರ್ದನಿಗೊಳುತಿರಲಿ || 2 || ಹೊಂಚನು ಹಾಕಿಹ ವಂಚಕರಿಪುಗಳ ಸಂಚುಗಳೆಲ್ಲವನೆದುರಿಸಲು ಮಿಂಚಿನ ವೇಗದಿ ಮುನ್ನಡೆಯೋಣ ನಾಡಿನ ಗಡಿಗಳ ರಕ್ಷಿಸಲು || 3 ||