ಒಂದುಗೂಡಿ ಬನ್ನಿ ನಾಡಸೇವೆಗೆ ಶುದ್ಧಮನದಿ ಶ್ರದ್ಧೆಯಿಂದ ಗೈವಪೂಜೆಗೆ ಬದ್ಧರಾಗಿ ದಿವ್ಯಧ್ಯೇಯ ಆದರ್ಶಕೆ ಸಿದ್ಧರಾಗಿ ಸರ್ವಸ್ವ ನೈವೇದ್ಯಕೆ || ಪ || ನಮ್ಮ ಬೆವರು ರಕ್ತವ ತೈಲದಂತೆ ಎರೆಯುವಾ ನಾಡಗುಡಿಯ ಬೆಳಗಲು ಬತ್ತಿಯಂತೆ ಉರಿಯುವಾ ಕತ್ತಲನ್ನು ಕರಗಿಸಿ, ಸುತ್ತ ಬೆಳಕ ಮೂಡಿಸಿ ಮನದಿ ಮನೆಯ ಮಾಡಿದಂಥ ಮೌಢ್ಯವನ್ನು ತೊಲಗಿಸಿ || 1 || ಸುಮ್ಮನಿರದೆ ಕಾರ್ಯಕಾಗಿ ಸತತಕಾಯ ಸವೆಸುವಾ ಹೆಮ್ಮೆಯಿಂದ ಒಮ್ಮನದಲಿ ಗುರಿಯ ಕಡೆಗೆ ಚಲಿಸುವಾ ಸೋಲಿನಿಂದ ಕುಗ್ಗದೆ ಸವಾಲುಗಳಿಗೆ ಜಗ್ಗದೆ ವಿರೋಧಕೆಂದೂ ಬಗ್ಗದಂಥ ಗಟ್ಟಿತನವ ಗಳಿಸುವಾ || […]
ಪಣತೊಡು ಬಲಿ ಕೊಡು ನಾಡಸೇವೆಗೆ || ಪ || ಸ್ವಾರ್ಥ ಬಿಡು ತ್ಯಾಗ ತೊಡು, ಮೋಹ ಮಮತೆ ಬದಿಗಿಡು, ಸುಖದ ಚಿಂತೆ ದೂರಿಡು, ಧೈರ್ಯದಿಂದ ಮುಂದೆ ಸಾಗು ಕಾರ್ಯಕ್ಷೇತ್ರಕೇ || 1 || ಲಕ್ಷ್ಮಿ ಪದ್ಮಿನೀಯರ, ಶಿವ ಪ್ರಭು ಪ್ರತಾಪರ, ಬಸವ ಚಾಣಕ್ಯರ, ಭಕ್ತಿ ಶಕ್ತಿ ಶೌರ್ಯ ನೆನೆಸು ನಮಿಸು ಮಾತೆಯ || 2 || ದೇಶ ಹಿತ, ಸ್ವಜನ ಹಿತ, ನನ್ನ ಹಿತವಿದೆನ್ನುತಾ ದೇಶಕಾಗಿ ದುಡಿಯುತಾ, ಹಗಲು ಇರುಳು ದೇಹ ಸವೆಸು ಧ್ಯೇಯ ಪೂರ್ತಿಗೇ || […]