ರಾಷ್ಟ್ರೋದ್ಧಾರದ ಮೂಲಮಂತ್ರ ಸ್ವಾಭಿಮಾನ ದೇಶಾಭಿಮಾನ ದಿಗ್ವಿಜಯದ ಭುಜಕೀರ್ತಿಯ ಧರಿಸಿ ಮೊಳಗಲಿ ಮಾತೆಯ ಜಯಜಯಗಾನ || ಪ || ಕಲ್ಲುಮುಳ್ಳುಗಳ ಹಾದಿಯಲಿ ಎದೆಗುಂದದೆ ಸಂಚರಿಸೋಣ ವಿಘ್ನ ವಿರೋಧವನೆದುರಿಸುತ ಭರದಲಿ ಗುರಿಯನು ಸೇರೋಣ || 1 || ನಾಡನೆ ನುಂಗುವ ಹೊಂಚುಗಳ ವಿದ್ರೋಹದ ಶತ ಸಂಚುಗಳ ವಿಫಲಗೊಳಿಸುವೆವು ನಾವಿಂದು ಸಬಲಗೊಂಡಿಹುದು ನಾಡಿಂದು || 2 || ರಾಷ್ಟ್ರವ ಕಟ್ಟುವ ಕಾಯಕಕೆ ಅರೆಕ್ಷಣವೆಲ್ಲಿದೆ ವಿಶ್ರಾಂತಿ? ನಿತ್ಯ ನಿರಂತರ ಜಾಗರಣ ಸನಿಹಕೆ ಬಂದಿದೆ ಸಂಕ್ರಾಂತಿ || 3 ||