ಭರತಮಾತೆಯ ಮಮತೆಯುಡುಗೊರೆ ಯೋಗವೆಂಬೀ ವಿಸ್ಮಯ ಅರಿತು ಜಗವು ಅಪ್ಪಿಕೊಂಡಿದೆ ಫಲವು ಅದ್ಭುತ ಅಕ್ಷಯ || ಪ || ಇರದು ಇತಿಮಿತಿ ಗುರು ಪತಂಜಲಿ ತೋರಿಕೊಟ್ಟರು ಹಾದಿಯ ಭರದಿ ಕಾಡಿಗೆ ಜನತೆಯೆಲ್ಲೆಡೆ ವಿಶ್ವ ಯೋಗದ ಸುದಿನವ || ಅ.ಪ || ಬರಿಯ ತನುವನು ಮಣಿಪ ಪರಿಣಿತಿ ಅಷ್ಟೆ ಅಲ್ಲವು ಯೋಗವು ಹರಹು ಶರಧಿಯು ಮುಗಿಲ ಪರಿಧಿ ಉತ್ತುಂಗ ಮೇರು ಶಿಖರವು ಉಸಿರು ಉಸಿರಲಿ ಬಸಿರಿನಲ್ಲೂ ಜೀವ ಚೇತನ ವೃದ್ಧಿಯು ನೂರು ಜಂಜಡ ದೇಹಕೆಲ್ಲ ಇಂದು ಬೇಕಿದೆ ಧ್ಯಾನವು || […]
ಭಾರತ ಮಾತೆಯ ವೀರ ಸುಪುತ್ರರು ಸಾವನೆ ತುಳಿದವರೋ ಒಂದೇ ಬ್ರಹ್ಮ ತಪೋದಂಡದೊಳೇ ವೈರವ ಸೆಳೆದವರೋ || ಪ || ಶತಶತ ಸಂವತ್ಸರ ತಪದಲಿ ಪ್ರತಿಸೃಷ್ಟಿಯ ಗೈದವರೋ ಸತ್ಯಾಗ್ರಹದೊಳೆ ಕಡಲೊಡಲಾಳವನುಡುಗಿಸಿ ಹೊಯ್ದವರೋ || 1 || ಪಂಚ-ಮಹಾಭೂತಂಗಳ ಶಕ್ತಿಯನಡುಗಿಸಿ ಮೆರೆದವರೋ ವಂಚನೆಯಿಲ್ಲದೆ ರಣನೀತಿಯ ಸುವ್ರತವನು ಪೊರೆದವರೋ || 2 || ಹಾಲಾಹಲವನ್ನೀಂಟಿಯು ವಿಶ್ವಕೆ ಪ್ರಾಣವ ತೆತ್ತವರೋ ಕೋಲಾಹಲದೊಳೆ ದಯಶಾಂತಿಗಳನೆ ಲೋಕಕೆ ಇತ್ತವರೋ || 3 || ತ್ಯಾಗೌದಾರ್ಯದಿ ಮಾನವತೆಯನೇ ಬೆಳಗಿದ ವರಸುತರೋ ಭಾರತ ಸುಯಶೋಧ್ವಜವನೆ ಗಗನಕೆ ಎತ್ತಿದ ಬಲಯುತರೋ […]