ಕೇಶವ ಸಾರಿದ ಸೂತ್ರವಿದೊಂದಕೆ ಮಾಧವ ಬರೆದನು ಭಾಷ್ಯವನು ಜ್ಞಾನ ಮಧುವ ಸವಿಸುಧೆಯನು ಉಣಿಸುತ ಕಳೆದನು ಜನಮನ ಕ್ಲೈಬ್ಯವನು || ಪ || ನಿರ್ಮಮ ಮನದಲಿ ಕರ್ಮವಗೈಯುವ ಧರ್ಮದ ಮರ್ಮವ ಬೋಧಿಸಿದ ಗುರುತರ ಹೊಣೆಯನು ಹೊರುತಲಿ ಗುರುವರ ಭಾರತದೇಕತೆ ಸಾಧಿಸಿದ || 1 || ಭಾಷೆ ಪ್ರದೇಶದ ಜಾತಿಯ ದ್ವೇಷದ ವಿಷಮ ವಿಷವು ಇದೋ ನಶಿಸುತಿದೆ ಸಮರಸ ಭಾವವು ವಿಕಸನ ಗೊಳುತಿದೆ ಗೀತ ಸಂದೇಶವು ನೆನಪಲಿದೆ || 2 || ಅಗಣಿತ ಮತ ಪಥದೊಳಗಿಹ ಸಂತರ ಮನಸಿನ ಅಂತರ […]
ಸಮಾಜ ವೀಣೆಯ ಮೀಟಿದ ಮಾಧವ ಮೊಳಗಿತು ಸುಮಧುರ ಝೇಂಕಾರ ಪ್ರತಿಧ್ವನಿಸಿ ಅನುರಣಿಸಿತು ಎಲ್ಲೆಡೆ ಸಮಸರತೆಯ ಸ್ವರ ಸಂಚಾರ || ಪ || ಜಾತಿಯ ದ್ವೇಷವು ಭೀತಿಯ ಅಳಿದಿದೆ ಪ್ರೀತಿಯ ಪ್ರೇಮದ ಸಂಚಲನ ಕಳೆಯನು ಕಳೆದು ಬೆಳೆಯನು ಬೆಳೆದು ಸ್ನೆಹದ ಧರ್ಮದ ಸಂಕಲನ || 1 || ವಿರಸವು ಅಳಿಯಿತು ಸರಸವು ಬೆಳೆಯಿತು ಸಮರಸ ಜೀವನ ರಸಪಾಕ ಸುಮಧುರ ಗಾನದ ಪಂಚಾಮೃತದಲಿ ಮಾತೆಯ ಮಾರುತಿಗಭಿಷೇಕ || 2 || ಜಾತಿಪ್ರದೇಶದ ಭಾಷೆಯ ಸ್ವರಗಳು ರಾಷ್ಟ್ರದ ಶ್ರುತಿಗೆ ಸಮೀಕರಣ ನಾಡಿನ […]
ತವಪದಕೆ ಕೋಟಿ ನಮನ ಉದಿಸಿ ಬಾರೋ ಮಾಧವ || ಪ || ಶುದ್ಧ ಹೃದಯ ಮುಗ್ಧ ಮನದ ಓ ಪ್ರಭುದ್ಧ ಮಾನವ ಭರತಸುತರ ಜಡತೆ ನೀಗಲುದಿಸಿ ಬಂದ ಮಾಧವ ದುಗ್ಧ ಧವಳ ಹಿಮದಗಿರಿಯ ಉನ್ನತಿಯನು ಮೆರೆದವ ದಗ್ಧ ಮನಕೆ ತಂಪನೆರಚಿ ಧ್ಯೇಯ ಧಾರೆ ಎರೆದವ || 1 || ಮೇರುಗಿರಿಯ ಮಾರ್ಗವೆಂದು ಕಂಟಕಮಯ ದುರ್ಗಮ ಅವನು ತೋರ್ದ ಪಥದಿ ನಡೆಯೆ ಸಾಧ್ಯವಿಹುದು ವಿಕ್ರಮ ಧ್ಯೇಯನಿಷ್ಠೆ ವೀರವ್ರತಕೆ ಜ್ಞಾನಗಂಗೆ ಸಂಗಮ ಶಕ್ತಿಶೀಲ ಜತೆಗೆ ಸೇರೆ ಮೂಡಿಬಂತು ಸಂಭ್ರಮ || […]
ಜಯಜಯ ಅಭಿನವ ಋಷಿವರ ಮಾಧವ ನಿನ್ನಯ ಚರಣಕೆ ನಮೋ ನಮೋ || ಪ || ಜನ್ಮಜಾತ ಅನುಪಮ ಪ್ರತಿಭಾನ್ವಿತ ಧೀಮಂತಿಕೆಯ ಪ್ರತಿರೂಪ ಪೂರ್ಣ ಜೀವನವ ಮುಡಿಪಾಗಿರಿಸಿದೆ ಅಳಿಸಲು ಮಾತೆಯ ಸಂತಾಪ || 1 || ಭುಜಗಳ ಗಡಿಯನು ದಾಟಿದ ಸೊಂಪಿನ ಕೇಶರಾಶಿಯ ಲಾಸ್ಯದಲಿ ದೇಶವಿದಕೆ ಹೊಸ ದಿಶೆಯನು ತೋರಿದೆ ಹಿಂದುತ್ವದ ನವಭಾಷ್ಯದಲಿ || 2 || ಸರಳ ಜೀವನ ಉದಾತ್ತ ಚಿಂತನ ನಿನ್ನಯ ಬಾಳ ವಿಶೇಷತೆಯು ನವಭಾರತ ನಿರ್ಮಾಣದ ಕಾರ್ಯದಿ ಸಾಧಕ ಜನಕದು ಪ್ರೇರಣೆಯು || 3 […]
ಮಾನವತೆಯ ಮಂಥನಕ್ಕೆ ಉಡಿಸಿ ಬಂದ ಮಾಧವ ರಾಷ್ಟ್ರ ಯಜ್ಞದಗ್ನಿಯಲ್ಲಿ ಉರಿಸಿ ತನ್ನ ಕಾಯವಾ || ಪ || ದಣಿವರಿಯದ ಭರತ ಶಕ್ತಿ ಪರಿಧಿಯಿರದ ರಾಷ್ಟ್ರಭಕ್ತಿ ಈಶ ಕಾರ್ಯಕಾಗಿ ದುಡಿವ ಸ್ವಾರ್ಥರಹಿತ ವ್ಯಕ್ತಿಯಾಗಿ || 1 || ಗಾವಳಿರದೆ ಗುರಿ ಗೆಲ್ಲುವ ಹಾದಿ ಹಿಡಿದ ಋಷಿಯಾಗಿ ಧ್ಯೇಯದೆಡೆಗೆ ಅಣಿಯಾಗುತ ಸಂಯಮದಾ ಗಣಿಯಾಗಿ || 2 || ವಿಘ್ನ ವೈರವೆದುರನಂತ ಸಕಲ ನೋವ ನುಂಗಿ ನಿಂತ ಶತ್ರುಗಳನು ಮಿತ್ರರಾಗಿ ಪರಿವರ್ತಿಸಿ ಗೆದ್ದ ಸಂತ || 3 || ಸಾಧನೆಗಳ ಆರೋಹಿ […]
ಮಾಧವನುದಿಸಿದ ಮನೆಮನೆಯಲ್ಲಿಯು ಬಾಲಿಕೆಯಾದಳು ರಾಧೆ ನಿರ್ಮಲ ಪ್ರೇಮದ ವಾತ್ಸಲ್ಯದ ಸುಧೆ ಆದಳು ತಾಯಿ ಯಶೋಧೆ || ಪ || ಗೋವಳನೂದಿದ ಸಂಗಮ ಸ್ವರದಲಿ ಹೊಮ್ಮಿತು ಸಮರಸವೇದ ಕುರುಕುಲದಳಿವಿಗೆ ಮುನ್ನುಡಿ ಬರೆಯಿತು ಮುರಾರಿಯ ಶಂಖದ ನಾದ || 1 || ವೀರ ನರನ ರಥ ಸಾರಥಿಯಾದನು, ಕಾರ್ಯದಿ ಮೇಲ್ಕೀಳಿಲ್ಲ ನಿರ್ಮಮ ಮನದಲಿ ಕರ್ಮದ ಬೋಧನೆ ಫಲದಾಸೆಯು ಎಂದಿಗೂ ಇಲ್ಲ || 2 || ಗೀತೆಯ ಬೋಧನೆ ಪಾರ್ಥ ನಿಮಿತ್ತದಿ ಸಾರ್ಥಕ ಬದುಕಿನ ಪಾಠ ಪಾಂಡವರೈವರೇ ಕೈಯ್ಯಾಯುಧಗಳು ಇಳುಹಿದೆ ಭೂಮಿಯ […]
ಮಾಧವ ನಿನ್ನಯ ಆದರ್ಶಗಳೆ ಬಾಳಿಗೆ ಸೋಪಾನ ಭೇದವ ಮರೆಸುವ ಆದೇಶಗಳೆ ಸ್ಫೂರ್ತಿಯ ಸಂಚಲನ ಸಾಧನೆ ತೋರಿ ಮಾಡಿದೆಯಂದು ಸಂತರ ಸಮ್ಮಿಲನ ಸಾಧಕ ಪುರುಷನೆ ಯುಗ ದ್ರಷ್ಟಾರನೆ ಗೈವೆವು ಶತನಮನ || ಪ || ಕೇಶವ ನೆಟ್ಟಿಹ ವೃಕ್ಷದ ಪಾಲನೆ ಪೋಷಣೆ ನೀ ಗೈದೆ ಕ್ಲೇಶವನೆಣಿಸದೆ ಸಂಘದ ಕಾರ್ಯಕ್ಕೆ ರಭಸವ ನೀ ತಂದೆ ಶೋಷಿತ ಜನತೆಗೆ ಪ್ರೀತಿಯ ಸುಧೆಯನು ಅನುದಿನ ನೀನೆರೆದೆ ಆಸರೆ ನೀಡುತ ವನವಾಸಿಗಳ ಬಾಳಿಗೆ ಬೆಳಕಾದೆ || 1 || ಅಮ್ಮನ ಮರೆಯುವ ನಮ್ಮಯ ತರುಣರ […]
ಬೆಳಕಾಗಿ ನೀ ಬಂದೆ ಧ್ಯೇಯದಾ ದಿಶೆ ತಂದೆ ನಿನ್ನ ಉಜ್ವಲ ಛಲಕೆ ಸಾಧನೆಯ ಹಿರಿಮೆ ಮಾಧವನೆ ನಿನ್ನೊಲುಮೆ ಪ್ರೇರಣೆಯ ಚಿಲುಮೆ || ಪ || ಜಾತಿ ಭೇದವ ಮರೆತು ಸಕಲ ಜನರೊಳು ಬೆರೆತು ಧ್ಯೇಯ ಪಥದೊಳು ನಡೆವ ಕಾಯಕದ ಕರೆಯಿತ್ತು ನಿನ್ನೊಳಿರೆ ಎನಿತೆನಿತೋ ಕಾರ್ಯಸೂಚಿಯ ಕುಲುಮೆ ಮಾಧವನೆ ನಿನ್ನೊಲುಮೆ ಪ್ರೇರಣೆಯ ಚಿಲುಮೆ || 1 || ಮಾತಿನಂತೆಯೆ ಕೃತಿಯು ಸರಳತೆಯ ನಡೆನುಡಿಯು ಅಂತರಾಳವ ಹೊಕ್ಕು ಮಾರ್ದನಿಪ ಮೃದು ನುಡಿಯು ನಾಡಸೇವೆಗೆ ಎರೆದೆ ನಿನ್ನ ತಪಸಿನ ಮಹಿಮೆ ಮಾಧವನೆ […]
ದೇಹಿ ಕೇಶವ ದೇಹಿ ಮಾಧವ ನಿರ್ಮಲ ಚರಿತ ಆಶಿಷಮ್ ತವಪದ ವಿರಚಿತ ಸತ್ಪಥ ಗಮನಮ್ ಮಮ ಜೀವನ ಅಭಿಲಾಷಮ್ || ಪ || ಮಧುರಾವಾಣೀ ಸದಯಂ ಹೃದಯಂ ವದಮೇ ಕಥಮುಪಲಬ್ಧಮ್ ಸುದೃಢಾ ನಿಷ್ಠಾ ಮಹತೀ ವೃತ್ತಿಃ ವದಮೇ ಕಥಮುಪಲಬ್ಧಮ್ ಹಿಮಗಿರಿ ಫಾಲೇ ಜಲಧಿಃ ಪಾದೇ ವದಮೇ ಕಥಮಭಿದೃಷ್ಟಮ್ ವನಮಾಲಾಂಗಂ ಮುನಿಭಿರ್ಗೀತಮ್ ವದಮೇ ಕಥಮಭಿದೃಷ್ಟಮ್ || 1 || ಹಿಂದು ಸಮಾಜಂ ಶಿಥಿಲಂ ದೃಷ್ಟ್ವಾ ವ್ಯಥಿತಂ ತಾವತ್ ಹೃದಯಂ ಮಾಮಕ ಚಿತ್ತೇ ತಾದೃಶ ಭಾವಮ್ ಭಾತಿ ಕದಾ ಗಾಢಂ […]
ಸ್ವಾಗತವು ಸ್ವಾಗತವು ಪೂಜ್ಯ ಶ್ರೀ ಮಾಧವಗೆ ಸ್ವಾಗತವು || ಪ || ಆಗಸದ ವೈಶಾಲ್ಯ ಸಾಗರದ ಗಾಂಭೀರ್ಯ ಹಿಮಗಿರಿಯ ವರಸ್ಥೈರ್ಯ ಮೂರ್ತಿಮಂತನೆ ನಿನಗೆ || 1 || ಹೃದಯದ ಔದಾರ್ಯ ಮಮತೆಯ ಮಾಧುರ್ಯ ಸಂಘಟನ ಚಾತುರ್ಯ ಮಾರ್ಗದರ್ಶಕ ನಿನಗೆ || 2 || ಕೇಶವನ ಪ್ರತಿಬಿಂಬ ರಾಷ್ಟ್ರದೀಪದ ಸ್ತಂಭ ದೇಶಭಕ್ತಿಯ ಕುಂಭ ಶಕ್ತಿದಾತನೆ ನಿನಗೆ || 3 || ಸಂಸ್ಕೃತಿಯ ಸುವಿಚಾರ ಋಷಿವರ್ಯರಾಚಾರ ಭವಿತವ್ಯದುಚ್ಚಾರ ಯೋಗಿವರ್ಯನೆ ನಿನಗೆ || 4 || ಜಯಜಯವು ಭಾರತಿಗೆ ಜಯಜಯವು ಕೇಶವಗೆ […]